ما خابت قلوب استودعت ربها

عارفه انى جرحتك

لما قلتلك خلاص ابعد عنى

مش هنتكلم تانى ...مش عاوزة اعرفك

ولا اشوفك ..ولا اسمع صوتك

قلتلك كل ده واكتر

بس قلبى كان بيتقطع عليك

قررت ابعد عشان احافظ عليك وعليا

قررت ابعد عشان لاقيتك معايا بتبعد عن ربنا

وانا مقدرش اشوفك عنه بعيد

كنت خايفه اوى قلبك يتعلق اوى بيا

ولأى سبب ابعد عنك قلت يبقى ألم دلوقتى أهون عليك

كل نظرة منك دلوقتى كلها اتهامات ليا بالخيانة

بتجرح فى قلبى وتخليه ينزف

بس اللى بيهون عليا

احساسى انى برضى ربنا

حتى لو على حساب قلبى وقلبك

ولما تصعب عليا

وأقول ملوش غيرى

هيحكى لمين

برد على نفسى وأقولها

يعنى هتكون أحن عليه من ربنا ؟؟

يعنى هترضي ربنا وربنا هيضيعه ؟؟

احساسى ده بيهون عليا كتير

بيساعدنى اصبر اوى

وكل ما اصبر واتألم

افتكر ربنا وهو بيقول "وبشر الصابرين "

ارددها فى نفسى كتير

واحسها بتطبطب على قلبى

وتقولى متخافيش

اللى بيرضى ربه مش بيضيع

هيرده ليكِ تانى

بس فى الحلال

أو يداوى جرح قلبك ويعوضك بالأفضل منه ومنك

ياريت تكون فهمت قصدى

ابعد عنى وقرب لربنا

ولو كنا خير لبعض هيردنا

استودعك الله الذى لا تضيع ودائعه ~~~

ماخابت قلوب استودعت ربها

وتذكروا أن الله أكرم من أن يعذب قلوبا تألمت لترضيه

بارك الله فيكي وججزاك الله الف خير

اللهم توفنا وانتي راضٍ عنا

اللهم وفقنا ل عملٍ تحبه وترضاه

اللهم امتنا الموتة الحسنة

آمين

جزاكم الله خيرا

ونفع بكم الاسلام والمسلمين