اوقفو الفتنه

سلام عليكم

بصوا بقى يا جماعة

اللى بيحصل صحيح كتير.....بس لازم نفوق

ده تفكير اسرائيل.....الفتنة

انا حزين على اللى حصل صحيح

بس نقف لحظة هنا ونقول لازم نعمل حاجة نمنع الهدف من ورا كل ده وهو الفتنة
لازم نثبت لأسرائيل اننا اخوة
وان كل اللى بتعمله ده على الفاضى
وان حتى لو هيا اشترت شوية من ضعاف النفوس وخلتهم يضربوا المصريين فى الجزائر وفى السودان
واشترت شوية من وسائل الاعلام لتشويه صورة المصريين عند الجزائريين وتشويه صورة الجزائريين عند المصريين
فهنفضل اخوة
وهنفضل ايد فى ايد طول العمر
ومحدش يقول ده بيتكلم فرنسى ولا حتى طاليانى
ده عربى مسلم زيه زيى

هنا نسأل انفسنا ليه مشترتش المصريين؟

الاجابة عن السؤال ده واضحة بأن اسرائيل عارفة ومتأكدة ان الشعب المصرى عاطفى جدا
بيغير على عرضه وشرفه واهله ووطنه ودينه
لو عرف مصيبة او كارثة فى اى مكان بينسى كل حاجة ويفكر فى حاجة واحدة وهيا المساعدة

ولو حس ان واحد من ولاده اتظلم او اتأذى بيقف كل الشعب بنيان مرصوص حزين على ابنه وغاضب مما حدث فيه

يبقى نشترى بعض ضعاف النفوس الجزائريين ونخليهم يطلعوا اغانى يهينوا المصريين
بالتالى المصرى بعاطفته هيرد...ورده عنيف
فهيتصاعد العنف والمشادة الكلامية
وهنا نحط فى النص كام واحد من رجالتنا (من نقدر نشتريهم من ضعاف النفوس) على انهم جزائريين ونخليهم يتكلموا بين الناس
( المصريين عملوا وعملوا وضربوا وكسروا فى اولادنا الجزائريين.....ولو شفنا واحد مصرى هنعمل فيه وهنسوى وهيك)
الدم يغلى فى عروق الجزائريين بطابع العصبية لأبن بلده حسب الصورة اللى وصلته من هؤلاء الخونة
وان حاول يكذب اللى بيحكيه هؤلاء الخونة فهيلاقى كم من الاغانى المصرية والمشادات الكلامية بين المصريين والجزائريين
وبالتالى هيبقى فى باله وفكره حاجة واحدة وهيا ان المصريين دول ناس مش كويسين وانهم ضربوا ولادنا
يبقى لازم ناخد بحقنا منهم
يجى يوم الماتش والجانب الجزائرى مشتعل نار
فينتهز اولئك ضعاف النفوس من الخونة فرصة غضب الاخوة الجزائريين ويبدأوا المشاجرة والاستعراض امام المصريين لأستفزازهم
ومن ثم مبادرتهم بالضرب
وبكدة يكونوا وضعوا عود الكبريت المشتعل فى البنزين
فيهب المصريين للرد...ويجد الجزائريين ان الفرصة قد حانت للأنتقام (كما صورها لهم المفسدون) فيبدأ الاشتباك بينهم
وهنا يأتى دور الخونة والمدسوسيين فى اجهزة الاعلام
فيروجوا للأحداث وينشروها بسرعة البرق
فيعم الغضب فى كافة ارجاء البلدين
وينتشر الكره والحقد بينهم مما يدفعهم لمحاولة فعل اى شىء حتى ولو كان بالاضرار بالمصالح العامة كما حدث فى الجزائر من اعتداء على الشركات المصرية
اما بقية الدول العربية....فتنقسم على نفسها تائهة بين مؤيد ومعارض
وبكدة يكون نجح الكيان الصهيونى فى زرع فتنة بين بلدين عربيين مسلمين شقيقين .....فتنة تحتاج اجيال كى تنطفىء
فتنة تستطيع سطرها فى التاريخ لتجعل منها فتيل القنبلة التى تفجرها فى الوقت المناسب لتحقيق اطماعها وفرض سيطرها

والخسران فى جميع الحالات هو العرب ولا سيما مصر والجزائر
والرابح الوحيد هو الكيان الصهيونى

طب ممكن نسأل نفسنا اشمعنى مصر والجزائر اللى اخترهم هؤلاء الخونة؟

الاجابة بسيطة جدا
مصر هى حاضنة الاسلام والعرب ومصدر خطر لكل من يفكر فى فرض سيطرته على اشقائها العرب
فكما سطر لنا التاريخ ان جيوش التحرير لطالما اتخذت من مصر مركزا للاعداد حتى اذا جاء يوم الفتح خرجت قوافل الشهداء الى ميداين الجهاد من مصر الحبيبة تذود عن ثرى الامة وتعيد الحق المسلوب

اما الجزائرفأختارتها لسببسن

السبب الاول فهو ما حدث فى حرب اكتوبر 73 من تأييد الشعب الجزائرى للشعب المصرى فى معركة التحرير ضد الكيان الصهيونى
ان اسرائيل لم تنسى ما قام به ابناء الجزائر من مساندة لأبناء مصر فى المعركة التى ادت الى هزيمة اسرائيل تلك الهزيمة القاسية
فرأت ان توجه لهم ضربة فى مقتل وهيا الاطاحة بهذة الروابط بين هاتين البلدين كى ينشأ الاطفال والاجيال القادمة على كراهية متبادلة وبالتالى ان جاء الوقت المناسب لأسرائيل طبعا واغارت على احدى الدولتين فلن تهب الاخرى لنجدة الاولى
وبالتالى تنفرد اسرائيل بفريستها وتلتهما بينما البلد والوطن الاخ الشقيق يتفرج ساكنا ولا يحرك طرفه لرد العدوان عن اخوته

اما السبب الثانى فهناك تواصل فكرى وثقافى وحضارى واجتماعى بين الجزائر وبين كافة دول غرب افريقيا وهيا ليبيا وتونس والجزائر نفسها والمغرب.......فجميع هؤلاء الدول اشقاء بروابط الدم والدين واللغة والارض
وبالتالى فأن جرحت دولة منهم فالبقية سوف تتخذ جانبها ضد من ظلمها

اظن فهمنا بقى الاسباب للى بيحصل

يبقى يجب علينا نحن المصريين والجزائريين ان نتكاتف سويا ولا ندع المجال لأولئك الخونة يوقعوا بيننا العداوة والبغضاء

يجب ان ننتبه لما يحدث من حولنا ونعفو ونصفح وننسى ما حدث لأنه والله العظيم لم يحدث من ابناء الجزائر ولا من ابناء مصر
وانما حدث من اعداء السلام اعداء الاسلام اعداء العرب الغافلين ضعاف النفوس الذين باعوا انفسهم من اجل المال والمصالح والنفوذ لأولئك الاعداء الصهاينة

لذا فأنى اتوقع من ولاة امرنا وحكامنا ان يجلسوا معا ويتضاحكوا ويتسامروا وينشروا هذا الاجتماع فى الصحف والمجلات والتليفزيون والنت
ليعرفوا العالم اجمع بأننا امة واحدة......ووطن واحد
وحتى لو اختلفت السنتنا.....وحتى لو ابتعدت بلادنا ......فأننا فى النهاية ابناء العرب والمسلمين فاتحى افريقية وابناء البربر الكرام الذين امنوا بدين الله وبرسوله الكريم وايدوا العرب فأيدهم الله جميعا بنصره وفتح على ايديهم البلاد وطهرها من الرجس والفساد ونشر فيها الامن والامان