برنامج ممتاز للعنايه بالشعر

من شهر تقريبا كنت بعانى من شعري خصوصا انو كان ناعم جدا وفجأة اتقلب حالو وبقا ناشف ومنفوش زي القردة شيتا بالضبط
ف انا طبعا مسكتش لان شعري حبيبي سر جمالي هوة انا حلوة يعنى بس بردو الشعر ليه دور كبير جدا
قلت يا بت يا
ميسو مينفعش الحال ده قمت دخلت علي قسم الشعر هنا وقعدت ادور علي الخلطات
المجربة وقعدت تقريبا اسبوعين وانا اسجل خلطات واحط عندي في دفتري بتاع
الوصفات
المهم من غير رغي كتتير عشان زهقتكم
خلاصة تجارب الفتوكات
الاسبوع الاول جبت نخاع
من عند اللحام وفضيتو في القلاية وسيحتو علي النار واضفت ليه تومة مهروسة
ناعم علي شوية زيت زيتون لحد ما بقا قوام الخلطة زي الكريم ورحت قسمت شعري 6
اقسام وحطيتهه علي فروة شعري ودلكته بيها وكمان حطيته علي الاطرف وحطيته
البونيه واستنيت يجي 4 ساعات
وقمت غسلت شعري طبعا التنظيف مش سهل
عشان نخاع وزناخة ومقولكوش عالريحة مقرفة جدا لدرجة انى ليلتها معرفتش انام
من الريحة اه والله بس مش مهم المهم شعري حبيبي يستفيد " منصحش بيها
للمتزوجات "
بعد بيوم قلت لازم اقضي علي الريحة رحت جبت 5 ملاعق حنة
مع 3 ملاعق قهوة عربية مع نص ملعقة خل مع رمان مغلي " خدت المية بس
وعجنتها وحطيتها علي راسي اللون طلع بنى محمر بسبيبان في الشمس لان شعري
اسود وطبعا الريحة خفت بدرجة 70 بالمية

الاسبوع التانى : جبت حلبة مطحونة مع حبة بركة مطحونة وغليتهم علي النار كل وحدة عيار ملعقتين
وسبتهم يجي ساعتين ورحت بعدين ضفت
ليهم زيت زيتوت وزيت خروع وملعقتين سمسم مطحون وزيت املا من اللي عندي
وحطيتهم علي شعري 5 ساعات وغسلت شعري
بنفس الاسبوع بس بعد 4 ايام
كنت نقعت فلفل شطة في زيت الزيتون 3 ايام وخدت الزيت ودلكت بيه شعري والاطرف وسبته علي شعري 4 ساعات الفلفل الشطة بيطول الشعر
ملاحظة : الفلفل متخلهوش في الزيت اكتر من 3 ايام لانه هيعفن

الاسبوع التالت :حبت 5 ملاعق حنة علي ملعقتين سمسم مطحون
ملعقتين حلبة مطحونة علي ملعقتين حبة بركة مطحونة " طبعا بتكونى غليتيهم
علي النار في مية وسبتيهم ساعتين نفس الخطوة السابقة " عل زيت زيتون بالشطة
من اللي عندي " لما تبقي تنقعي الفلفل بالزيت زودي الكمية عشان تحطي منها
للاسبوع التانى "
وحطيتهم علي شعري

الاسبوع الرابع جبت نص كوب زبادي علي ملعقتين حلبة مطحونة علي حبة بركة مطحونة " مغليين بالمية "
علي زيت زيتون بالشطة علي ملعقة زيت املا من عندي او اي نوع زيت متوفر عندك

وطبعا رحت علي الصيدلية وقلتله عاوزة فيتامين لشعري عشان بيتساقط وناشف وكدة قام اعطنى فيتامين
pre-Gently بقالي 5 ايام بستخدمة وهوة قلي ان ناس خدته وشكرت فيه بيحتوي علي 24 فيتامين
يعنى زنك وماغنيسيوم فيتامين A ,B, C
,وفيتامينات كتتير اول مرة اسمع بيها ودة بينوصف للمراه الحامل والمرضع
عشان بيحصلهم نقص في فترة الحمل والولادة زي ما انتو عارفين

زيت الزيتون غنى عن التعريف بيعذي الشعر وبيقويه
الحلبة بتقل الشعر وبتمنع التساقط
الشطة بتحتوي علي مادة بتحفز الجلد الخامد علي انبات الشعر وتطويله
ونفس الشي التومة
حبة البركة طبعا علاج لكل داء لان الرسول عليه الصلاة والسلام وصانا بيها
في كمان ورق السدر بيتاخد مطحون مع اي خلطة للتساقط بس عيوبه انه بينشف الشعر

السمسم : بينعم الشعر اللي معندهاش سمسم ممكن تستخدم زيت السمسم

وكمان الصبار انا وصيت يجيبولي صبارة كبيرة وهاخد اللي جواها واضيفلو زيوت من عندي واحطه علي شعري مرة بالاسبوع او ممكن تجيبي امبولات صبار من الصيدليه بس طبعا مفيش بعد الطبيعي والتازة
اه بالنسبة لشعرررررررررررري

طبعا الحمد لله رجع ناعم والتساقط خف 70 بالمية وطبعا وصلت لنتيجة 70 بالمية بالنسبة لشعري في شهر وده شي كويس مع الاستمرار اهم حاجة متزهقيش النتيجة مش هتبان من اول اسبوعين

بس لسة باقي عندي شوية كام شعراية مقصوفة وواقفة في نص راسي
الحمدلله شعري اتحسن ولازم عشان شعري يبقا افضل من كدة استمر كمان شهرين لان مدة علاج اي شعر بتاخد من 2الي 3 شهور لحد ما توصلي للنتيجة المطلوبة
اهم شي الصبر والنيجة بتبانش من اول اسبوعين
ومتسيش تقصي اطراف شعرك قبل ما تبدي
بالخلطات لان الشعرة المقصوفة والمقسومة نصين من طرفها بتظل تمشي لاخر
الشعر لحد ما تتلفو عشان النتيجة تجيب معاكي قصي الاطراف
اهم حاجة متغسليش شعرك بالمية اكتر من مرتين بالاسبوع
واغسلي شعرك بمية باردة ابعدي عن السخنة عشان هية سبب البلاوي
اختاري نوع شامبو حسب نوع شعرك جاف او دهنى
اوعي تمشطي شعرك وهوة مبلول عشان ميتكسرش سبيه لحد ما ينشف ومشطيه بمشط اسنانه واسعة
ولما ينشف من
المية حطي نوع الكريم اللي بتستخدميه انا بستخدم mink رخيص وحلو جدا لانه
بالزيوت وريحته جميلة وبعدين سرحي شعرك وحطي نقطتين زيت زيتون

وخلاااااااااص تعبت

هعيد نفس الخطوات في الاسبوع التانى والتالت

شكرا لكي موضوع مميز جدا